أشار الشاعر فارس إسكندر في حديث خاص مع موقع "الفن"، إلى أنه ضد أن يكون الفنان "رمادي" في مواقفه الوطنية والسياسية، وهو مع إصدار أغنيات هادفة لموضوع وطني معين، وليس عموميات.
وقد نجح إسكندر في الفترة الماضية بالتعبير عن آرائه ومواقفه، من خلال أشعار هادفة يوصل رأيه من خلالها، وأحدثها:
"شو رح تسوّي بالمصاري بس تموت ؟
يللي سرقتن من الشعب العم بيموت
رح تاخدن كلن معك بِ هالتابوت ؟!
وتعمل من الدولارات كفن وراق توت
وتدحش بدينيك الجواهر والياقوت
وهونيك مطرح كل سندات البيوت
وتكروِع البنزين وتغبّ المازوت
حتى محطاتَك ما تعطي الناس قوت
وتغزل النعش بريش نعام من التخوت
وتشعر انت خلّدت والأموات خوت
إفهم بقا خلص العمر يا أخطبوط
وبالروح بالدم انتهت صارت سكوت
وإبنك لي ورّتو الحكم والمال حوت
رح يعمل المطمر عاقبرك ببيروت
وما فيك تصرخ أنا بيَّـك يا عكروت
كان يقشعك بِ أذى شعبَك شو مبسوط
يا زعيم عمرَك متل خيط العنكبوت
بس ينقطع ما في إلَك غيرو خيوط
وبالقبر ما في لا حراس ولا درك
تمنع ديدان الأرض عالجتة تفوت"
